Chapter 87
“KATATAWAG lang ng imbestigador na nagkataong malapit sa area. Inaalam na raw nila ang pagkakakilanlan ng dalawang taong bumuntot sa atin. Dead on the spot.” Napatango si Amere sa sinabing iyon ni Red. Kasalukuyan siyang nagtitiklop ng mga damit at isinisilid iyon sa dalawang malaking backpack. Nagpaalam na siya rito, gayundin sa mga kamag-anak nito. Mamaya bago umalis ay kakausapin naman niya sina Lolo Ismael at Jeena. “Hindi ka na ba talaga magpapaawat? Basta mo na lang isusuko ang lahat ng pinaghirapan natin?” Humigit siya ng isang buntong-hininga. Inilayo ang tingin kay Red at muling ipinagpatuloy ang pag-aayos ng mga gamit. “Ano iyon? Ganoon na lang iyon? Wala na? Nakalimutan mo na bang ito talaga ang misyon mo sa pagpunta dito, Amere?” Hindi pa rin siya kumibo. He knew that Red
- Writer
