AELIX POINT OF VIEW
Makalipas ang mahabang oras ng biyahe, sa wakas ay nakarating din kami sa lugar na sinend sa akin ni Laurence isang bar dito sa Tinglayan. Dito ginaganap ang bachelor’s party niya ngayong gabi, at bukas na agad ang kasal niya.
Napabuntong-hininga ako habang nakatingin sa gusali sa harap ko.
Medyo luma ang itsura nito hindi tulad ng mga high-end bars sa city na nakasanayan ko. Pero kahit ganoon, buhay na buhay ang paligid.
Maraming taong pumapasok at lumalabas, may halong tawanan, sigawan, at musika na umaalingawngaw hanggang sa labas.
Masaya ang mga tao.
Simple… pero totoo.
Hindi ko maiwasang mapaisip.
Hindi ko akalain na ang kaibigan kong si Laurence na sanay sa marangyang buhay ay matatali sa isang babaeng taga-probinsya.
Napailing na lang ako bago tuluyang
