Christian's POV.
"Sir ito na po ang cake," sambit ng waiter na inutusan ko na magdala ng cake na ibibigay ko sana kay Heiley.
Tinitigan ko lamang siya at iminuwestra ko na ilagay niya na lang sa harap ang dala niya. Napangiti ako ng mapait nang makita ko ang pinasulat ko sa ibabaw ng cake.
Will you be my date?
Malabo na. Alam ko na kung sino ang pipiliin niya. Ang sakit! Ang hirap!!! Nakakasakal! Hindi ako makahinga! Kung puwede sana kahit isang araw lang ay matawag ko na akin siya.
Nagpatuloy na naman sa pag-agos ang aking mga luha sa mata. Akala ko kakayanin ko. Akala ko handa na ako. Akala ko may pag-asa. Pero kahit anong paghahanda ang aking ginawa, naging talo pa rin ako sa huli.
Masakit isipin na gumuho na lang ng ganoon ang pundasyon na matagal ko ng binubuo. Sa isang iglap
