Chapter 53
Nanlulumong napaupo si Rose sa waiting area ng airport. Katatawag lang ng sekretarya niya at sinabing nasundo na si Mrs. Chan.
"Umuwi na tayo, Kuya Vin," malungkot na wika ni Rose. "Nasundo na pala si Mrs. Chan. Napaaga ang flight kaya hindi na ako tinawagan ng sekretarya."
"Sige po." Naunang naglakad si Vin papunta sa kotse para pagbuksan ng pinto si Rose.
"Isabella!"
Napatigil si Rose sa paglalakad nang marinig ang boses na iyon. Parang pamilyar sa kaniya ang tinig kaya lumingon siya. Namilog ang kaniyang mga mata nang makilala ang taong papalapit sa kanila ni Vin.
"Tooffer?" tanging nasambit ni Rose sa sobrang pagkagulat. Hindi niya inaasahan na makikita niya ito pagkatapos ng pitong taon. May hila-hila itong luggage habang papalapit sa gawi nila.
"Ako nga. I bet you n
