“Isinilang na ang bagong anak ni Master Drifher.” Wika ni Phyrica kay Vlad na madalas ay nagkukulong lang sa kuwarto nito na may nag-iisang bintana sa mansion na ‘yon.
“Alam ko, nagpapahatid na ko ng pagbati sa kanya.” Nakangiting wika ni Vlad.
“Hindi ka nakakabasa ng isipan hindi ba?” Paninigurado ni Phyrica, si Drifher kasi ay alam na nakababasa ng isipan, ang alam kasi niya bawat Pure blood ay may iba-ibang katangian na wala sa isa't-isa. Sa magkakapamilya lamang maaring magkaroon ng halos lahat na pare-parehong katangian.
Moonlight POV
Bago ako makalabas sa lugar na ‘to ay dadaan ako ng Hunter Association, makalabas naman kaya ako ng buhay? Hinahanap kaya nila ako? Nag-aalala kaya sila sa ‘kin? Maaring isinilang na rin ang kapatid ko, ano kayang itsura niya? Sana ay hindi siy
