Nanlaki ng husto ang mata ni Moonlight ng sumilip siya sa kuwarto ni Vlad tatlong araw mula ng makita niya ang labi ng kapatid nito na si Haruka. Nanghihinang isinara niya ang pintuan.
Ilang Vampires na nasa Level E ang naroon at tila ito mga puppet na isa-isang lumalapit kay Vlad. Kakagatin ito ni Vlad hanggang manuyo at maging abo. Kitang kita niya ang mata ni Vlad na parang isang halimaw, isang mata lang nito ang kulay pula ibig sabihin ang kapatid nito ang kumokontrol sa katawan nito.
Hayok na hayok ito sa dugo at tila ba hindi maibsan ang uhaw nito.
Hindi ganoon klase si Vlad, sabay silang lumaki. Maaring isa na nga ‘tong Pure Blood ngunit alam niya na hindi parin ito gaanong nagbago at ang pagpatay sa kapwa nila ay hindi nito magagawa para ibsan lang ang matinding pagka-uhaw.
