“Bwisit!” ani Vlad ng maramdaman niyang nagsisimula na siyang manghina dahil sa lason at kakulangan sa dugo. Aabot sa limitasyon ang katawan niya kapag masyado siyang lumaban pero kailangan niyang maipasok si Andrew sa loob.
Dahil sa teritoryo ng mga ito ang lugar, nakakapagtago ito ng hindi nila namamalayan. Ganoon talaga ang mga Vampires, pangkaraniwan man o tulad nilang Pure Blood ay naiitago nila ang mga sarili ng walang makakapansin basta nasa teritoryo nila sila, kaya naman hindi madaling sumakop ng teritoryo ng teritoryo.
Pero hindi ito ang oras para makipaglaro siya mga ito, kailangan na siya ni Moonlight. Hindi niya hahayaan isakripisyo ang kaluluwa nito para sa tulad ni Shira na masahol pa sa isang nabubulok na bangkay kung mag-isip.
Pinakiramdaman niya si Emily maging an
