DALAWANG araw lamang ang paglalamay kay Salvi Asuncion at pinalibing na rin agad ito nina Lola Sarah. Pagkatapos ng mga araw ay nagkita muli sina Haven at Esang. Kasalukuyang papasok sa isang unibersidad si Esang para mag-enroll bilang isang mag-aaral sa sekondarya.
Kumaway kay Esang si Haven at hinintay siya nito sa labas ng unibersidad hanggang sa matapos siya.
Hindi ito naka-uniporme kaya't mukhang wala itong pasok. Kasalukuyan silang naglalakad sa sidewalk ng kalsada. May mga nagtitinda ng street foods sa gilid ng sidewalk; kaya't hindi naiwasang bumili ang dalawa.
“Hindi ako nagkaroon ng pagkakataon na pasalamatan ka sa lahat, Haven.”
Ngumiti ang lalaki kay Esang. “Tungkulin at trabaho ko iyon, Esang. Kaya't wala ka'ng dapat na ipagpasalamat sa akin.”
Umupo sila sa isang benc
