Hindi naman nagtagal at humupa na rin kalaunan ang kabi-kabilang tsismis na pinagdaanan nila ni Daniel. Naging maganda ang takbo ng relasyon nila ng nobyo. Ipinaramdam nito ang tunay na pagmamahal sa kanya. Hanggang sa tuluyan ng ipinagkatiwala ni Mariah ang kanyang sarili sa binata. Sino ba naman ang hindi bibigay rito? Ipinaramdam nito ang buong pagmamahal sa kanya pagkatapos ay saksakan pa ito ng gwapo. Makalipas ang isang linggo pagkatapos ng nangyari sa kanila ay nagpaalam ito sa kanya na uuwi lamang sa bayan nito at babalik din agad. May aasikasuhin lamang daw ito saglit. Nag-file ito ng dalawang araw na leave sa trabaho. Ngunit lumipas ang isang linggo ay hindi pa rin ito nakakabalik. Hanggang sa abutin na ng isang buwan ay wala pa rin ito. Sobrang pag-aalala na may halong pagdududa
