Napatingin si Vladimir sa kanyang relong pambisig habang nakatingin sa dinaraanan habang nagmamaneho. Excited na nga siyang makauwi dahil sa wakas ay makikita na niyang muli ang kanyang asawa matapos na maayos ang lahat ng schedule niya. Kailangan na lamang niyang makita ang huling mga pasyente niya sa San Bartolome at diretso na siya sa Baguio.
Nalukot ang noo niya nang may isang dalagang nakasuot ng isang blouse at palda na humarang sa daraanan niya. Pagkatapos ay ikinaway-kaway nito ang kamay. Medyo nagduda siya at baka modus ito pero sa kung ano'ng dahilan ay hinintuan niya ito. Kitang-kita niya ang mga luha nito nang dali-dali nitong katukin ang bintana niya. Halatang natataranta ito.
"Kuya, tulong po!" garalgal ang tinig na wika nito sa kanya.
"Bakit, Nene, ano'ng nangyari?"
"Ang
