Nang makapag-order na nga si Daniel sa counter ay bumalik na ito sa kanyang harapan.
"Wait lang natin ang order natin, Boss. Gutom ka na ba?" pagkuwan ay tanong nito sabay hawak sa kanyang palad. Hindi nawawala ang kakaibang kuryente na dumadaloy sa kanya sa tuwing magdidikit ang kanilang mga balat. Sinasanay na lamang talaga niya ang sarili sa epekto nito sa kanya. Lalo at umaasa siya na palagi silang magkakasama nito.
"Hindi pa naman. Nagkape at pandesal naman tayo kanina," sagot niya rito.
"Alam mo, Mariah, hindi ko lubos na maisip na tayo na talaga. Akala ko ay wala tayong pag-asa kahit sa panaginip. Pero heto at totoo ka."
"Bolahin mo pa ako. Epektibo eh. Walang ligaw-ligaw. All the way!" tumatawang wika niya rito.
"Sobra ka naman. Hindi naman ganoon iyon."
"Hindi nga ba?" naka
