Chapter 71
Bella's POV
"Kuya, Sure ka ba talaga sa ginagawa mo?"
Ang tanong na iyon mula sa kapatid ni Kael na si Cassandra ang nagpatigil sa akin sa pagpasok ng main office. Binawi ko ang nakahakbang nang paa at ipinantay sa isa ko pang paa. Ito ang unang beses na napadpad ito sa loob ng dalawang buwan.
Itinago ko ang sarili rito sa likod nang malago at matayog na berdeng halaman. Nakatanim pa sa tila marble, at malaking mamahaling vase kaya mas naitago kong mabuti ang katawan.
"Ano na naman ba iyon, Cassandra?"
Inilabas ko ang ulo at pinagmasdan ang mukha ni Kael. Nakayuko ito habang abala sa ginagawa sa mga papel sa lapag ng executive desk nito. Hindi na niya inabalang tingnan man lang ang kapatid na seryosong-seryoso ang mukha ngayon.
"Hmmm... Ilang buwan ka na kasing hindi umu
