Chapter 82
Bella's POV
"Hindi mo ba nararamdaman o nahahalata na ikaw ang pinipili ko... Hindi mo ba nakikita man lang? Ikaw ang pinipili ko..." ulit nito sa pinakamaliwanag ko nang maririnig sa tinig niya.
Kanina pa ako hiyang-hiya sa mga taong nakapaligid sa amin, pero dahil sa sinabi niya, nagkaroon ako ng kumpiyansa sa sarili...
Nasa loob pa lang ako ng jeep kanina, habang papalapit ako nang papalapit sa building ng kung nasaan ang condo ni Kael, nanliliit na ako sa sarili ko. Para bang hindi ako belong sa lugar na patutunguhan ko. Nakabalandara ang mamahaling pangalan ng condominium building sa pinakamataas na parte nito. Nasisilaw ako sa pinaghalong hiya, paghangq at pag-aalinlangan. Maghapon kong hinintay ang text niya sa akin kaya nag-alala talaga ako rito. Nagdadalawang-isip n
