Sa lumang bahay, magkakasama sina Amar, Teman at Glyza habang si Justine ay mahimbing na natutulog dahil ginamitan ito ng isang orasyon ni Glyza upang hindi maalala ang mga nangyari sa kanila ni Teman sa daan no’ng inatake sila ng mga maligno. Samantala si Teman naman ay iniisip pa rin hanggang ngayon anh kaniyang guro kung nasaan na ito at kung ano ang nangyari rito. Kitang-kita niya kasi kung paano biglang naglaho ang guro no’ng bigla itong bumaba ng sasakyan at tumakbo palalayo habang nakasunod ang dalawang maligno. Hindi niya maiwasang mag-isip ng masama dahil sino nga naman ang makakaligtas sa dalawang maligno laban sa walang kamuwang-muwang na guro. Inalala niya rin si Justine, sana ay hindi niya maalala ang mga nangyari sa kanila dahil siguradong kakalat ito sa buong bayan. Narinig
