Habang nagkakatitigan ang ale at si Amanikable ay kumalma ang reaksyon ni Amanikable, ang kaninang galit na mukha ay napalitan ng galit na mukha. Naaalala niya kasi ang mga sinabi sa kaniya ni Bathala na susunod na gagawa itong muli ng kasamaan sa mga mortal ay bibigyan siya nito ng mabigat na parusa. Kaya niya ang parusang ibibigay sa kaniya ni Bathala, subalit ang hindi niya kaya ay ang hindi makilala ang babae sa kaniyang panaginip. Unti-unti ring nawala ang kulay itim sa hiyas na nakatago sa kaniyang maliit na bulsa sa likuran, ang kulay itim nito na parang abo ay nawala at nabalot ng puti. Nangako siya kay Amar na hindi na ito gagawa ng kasamaan at iiwasan na nitong magalit at mainis, kaya naman kinalma niya ang kaniyang sarili at umayos ng tindig. “Pasensya na kayo, maaari na po kayo
