Sobrang lakas pa rin nang kabog ng aking puso na para bang hindi ko na makakayanan ang sobrang bilis nang pintig nito. Ramdam ko rin ang panlalamig at pamamawis ng aking mga palad dahil sa sobrang kaba. Parang may kung anong naglalaro din sa loob ng aking tiyan na para bang masusuka na ako ilang minuto mula ngayon. Halo-halo ang aking nararamdaman sa mga oras na ito pero hindi ko pa rin maipagkaila na nangunguna ang kaba sa aking kalooban.
Ene-expect ko na na magiging ganito ang aking reaksyon. Pero hindi ko inaasahan na ganito pala kalala. Mga auntie at uncle pa lang ito ni Alexander pero ang pressure na nakukuha ko mula sa kanilang mga tingin ay abot langit na. Paano na lang kung sa Papa ni Alexander? Narinig ko na napaka strict nito na tao at isang tingin pa lang ay para ka na daw mama
