EIDE
Tensyonado ako habang nasa loob ng sasakyan. Pabalik na kami ngayon sa El Casa Cabin. Tinanggap ko na ang offer ni Ark dahil hindi na ako mahihirapang mag-adjust dahil kilala ko na sila. Isa pa, mahirap ibigay ang tiwala ngayon sa iba, kaya kailangan kong doblehin ang pag-iingat ko, lalo na't nanakawan na rin ako. Ang problema ko lang ay kung paano ako haharap kay Trav. Ang lakas pa ng loob ko na sabihin sa kanya na pakawalan niya ako, pero babalik din naman pala ako.
“Are you alright, Eide?” agaw ni Ark sa atensyon ko.
“Yeah,” tugon ko, kahit sobra na ang kabog ng dibdib ko. Hindi ko mawari ang nararamdaman ko sa mga oras na ito. Puno ng excitement ang puso ko sa hindi ko malamang dahilan.
Lalong dumoble ang kabog ng puso ko nang pumasok ang sasakyan sa gate ng El Casa's Cabi
