Natulala ako sa sinabi niya.
Huminga siya ng malalim at inihiga ang noo niya sa kamay kong hawak niya ngayon.
"Baka kasi... baka kapag pinakasalan mo ako… sasama ka na sakin pauwi ng Pilipinas." sabi niya habang ganun ang kanyang pwesto. Uminit ang loob ng mga mata ko dahil sa sinabi niya.
Hindi ako nakapag-salita. Hindi ko alam ang sasabihin ko sa kanya. Palagi ko na lang kasi sinasabing ayokong saktan si Alas, pero palagi ko pa rin naman siyang nasasaktan. Tuwing may sasabihin ako sa kanya, parati na lang nakakasakit ng damdamin niya. Kailan ba ako may sasabihin na magiging masaya naman siya?
Unti-unti niya akong tiningnan at ang baba na niya ang nakapatong sa kamay ko. Parang sumabog ang puso ko sa nakikita kong pagmamakaawa ng mga mata niya para lang sumama ako sa kanya pabalik ng
