LI.
Masayang naglangoy sa malamig na tubig-dagat ang mag-asawa. Lumayo sila ng kaunti mula sa mga batang naglalaro gamit ang body board o mas kilala sa tawag na boggie board. Naghaharutan sila habang nagsasabuyan ng tubig. Maingat naman si Jeffri na wag sabuyan ng malakas ang asawa lalo na sa mukha nito at baka makainom ng tubig-alat ang kabiyak. Hinayaan nyang patuloy ito sa pagsaboy ng tubig sa kanya habang unti-unting lumalapit sa kinaroroonan ni Aryana.
Mabilis nya itong hinapit sa bewang at niyakap bago pa muling makapagsaboy ng tubig. Napaigik ito sa kanyang ginawi ngunit agad ding nakabawi sa pagkagulat. Pabiro namang tinampal ni Aryana si Jeffri sa balikat ngunit sinamantala naman ng binata ang pagdaiti ng kamay ng asawa sa kanyang balikat upang mas hapitin pa ito sa kanyang kat
