“Ano’ng nga ulit naisip mo ba’t ka nakarating ka sa dulo?” paulit-ulit na tanong sa kaniya ni Angela.
Matutulog na lang sila lahat-lahat pero hindi pa rin ito maka-move on sa nangyari kaninang umaga.
“Baka paggising mo bukas ulitin mo ulit ‘yong ginawa mo.”
“Hindi na.”
“Ulitin mo pa para hindi ka na talaga makabalik. Saka ka na gumala kapag kabisado mo na ‘tong lugar na ‘to.”
“Oo na.”
“Nagsisisi talaga ako na niyaya kitang magbakasyon,” inis nitong sabi bago siya hinagisan ng unan na agad naman niyang nasalo. “Mukhang dito ka pa yata sa lugar ko madidisgrasya, eh.”
“Ikaw nga paulit-ulit na nadisgrasya sa lugar ko pero hindi naman kita sinermunan maghapon,” sagot niya pabalik. “Hindi lang ‘yon dahil marami ka ring nadisgrasyang tao tapos ako lahat ang umayos sa lahat ng gulong pin
