"You're crazy!" sigaw niya rito.
Marahas siya nitong sinabunutan sa buhok habang nakatutok ang hawak nitong patalim sa leeg niya. Nakaramdam siya ng sakit dahil dumidiin ang dulo sa balat niya.
Kailangan niyang umisip kaagad ng paraan para makatakas dito dahil kung hindi ay mapapahamak sila ng ipinagbubuntis niya.
"Oo! Baliw na kung baliw! Sinira mo ang lahat ng plano ko!" Malakas nitong hinila ng buhok niya kaya napangiwi siya.
Itinulak siya nito sa sahig kaya napasubsob siya. Pagkatapos ay inapakan ang likod niya kaya hindi siya makaangat ng mabuti.
"Akala ko mapapansin na ako ni Luis nang mamatay ang Lolita na 'yon! Tapos umeksena ka? Malas mo!" Mas lalong idiniin sa likod niya ang paa nito.
Ramdam niya ang sakit dahil sa takong ng sapatos nitong suot. Pinilit niyang kumawala
