“Anong oras na? Bakit ngayon ka lang?” tanong ni Bianca habang nakapamewang, halatang pagod at iritable. Kita sa mukha nitong buntis ang stress, namumugto ang mata at mabilis ang paghinga. Malaki na ang tiyan niya, at kahit anong galaw, halata ang kirot at bigat na dinadala niya.
Si Levi naman ay kakapasok lang ng pinto, amoy alak at halatang galing sa kung saan o kanino. Hindi niya matingnan si Bianca sa mata. Ganito naman halos araw-araw si Levi. Kung hindi late na uuwi ay lasing.
“Kailangan ba talaga lahat ay alam mo?” inis na sagot ni Levi, hindi nagtatago ng pagkairita. “Pagod na ako, Bianca. Don’t start.”
Napabuntong-hininga si Bianca, pero hindi niya kinayang pigilan ang galit. “Dapat lang naman, hindi ba? Buntis kaya ako!” Tinuro niya ang sarili niyang tiyan, halos manginig ang
