NOEL:
TAHIMIK akong mag-isang nagpapahangin dito sa pool area habang may hawak na beer. Malalim na ang gabi pero hindi pa rin ako dalawin ng antok. Pilit kong iniisip ang nakaraan. Kung paano ko nakilala sa isla si Sheena at naging asawa.
Pero kahit pigain ko pa yata ang utak ko ay hindi ko maalala ang nakaraan namin. May parte sa puso ko ang naniniwala sa kwento nito. Dahil kahit hindi ko siya matandaan ay damang-dama ko siya sa puso ko. Magaan ang loob ko na nakikita at napapasaya ito. Ibang-iba ang dating niya sa akin kahit hindi ko ito matandaan. Kaya kahit mahirap ay nagtitiwala ako dito.
“Are you okay, coz?”
Napalingon ako sa likuran ko na may magsalita. Si Jayden. Ang pinsan ko na anak ni Tito Haden. Naupo ito sa katabing lounge chair na kinaroroonan ko na may dalang kape.
