Mahigit dalawang buwan na ang nakaraan...
"Invited tayo ni Nixon, may party raw sila ng half-brother niya," sambit ni Divine, kaibigan ni Alexi na nadestino rin sa Polymedic sa San
Joaquin. Magka-batch silang nakatapos bilang nurse at dito sila napadpad bilang trainee. Kailangan nila ito para magkaroon ng experience at makapag-apply sa abroad.
"Sinong Nixon?" kunot-noong tanong ni Alexi. Hindi niya maalala kung sino ang tinutukoy ng kaibigan.
"Si Nixon, 'yung nakilala natin sa plaza last week," sagot nito. "Naalala mo na? Bigotilyo 'yung tahimik na kasama niya. Half-brother niya sa papa niya 'yon."
"Hindi ako sigurado riyan, kailangan kong maagang umuwi, madaling araw ang shift ko bukas." Iniayos na ni Alexi ang records ng pasyente sa file cabinet.
"Hindi naman tayo magtatagal. Sisi
