Lahat kami ay nasa labas ng operating room. Ang huling balita namin ay nangailangan siya ng dugo dahil sa dami ng nawalang dugo sa kanya. Mabuti na lamang ay nasalinan siya kaagad.
Mag-iisang oras na rin siyang inooperahan. Wala kaming ideya kung ano na ang nangyayari sa loob. Napatingin kaming lahat sa pagbukas ng pinto ng operating room at lumabas ang isang doktor. Lahat kami ay lumapit sa kanya.
"Doc, kumusta ang anak ko?" Si Tita Gina ang nagtanong.
"The operation is successful. Mabuti na lamang at sa braso lamang siya natamaan at hindi din gaanong bumaon ang bala. Nasalinan na din siya ng dugo. She is safe now. Wala lamang siyang malay dahil na din siguro sa panghihina ng katawan niya. Pero ilang saglit lang magkakamalay na din siya."
Isang malalim na buntong-hininga ang pinakawa
