"Cahya?" Tulala akong napalingon sa tumatawag sa akin.
"Ayos ka lang ba?" Gumuhit ang pag-aalala sa mukha ni Lucas na ngayon ay nakatayo na sa harapan ko. Kahit naka maskara siya ay halata ko siya kahit nakapustura siya ngayon, naka-suit siya na kulay itim at katerno ang itim na bowtie sa leeg niya.
"Anong ginagawa mo rito?" Napakunot ang noo ko habang nakatingin sa kanya.
"Hinahanap ka?" patanong niyang sagot sa akin, malawak ang ngiti niya na kitang-kita ang mapuputi niyang ngipin habang ako'y sinamaan lang siya ng tingin.
"Funny," sagot ko naman sa kanya. Hinawakan ko na ang laylayan ng gown ko at naglakad na palayo sa kanya, pabalik sa gymnasium.
Laman pa rin ng utak ko ang nangyari kanina, nanunuot pa rin sa ilong ko ang amoy ng pabango ng misteryosong lalaking iyon.
"Nasabi ko
