Napamulat ang mga mata ko at agad na napabangon sa higaan, napatingin ako sa paligid ng kwarto ko. Siguro nakadalawang ikot ako ng tingin sa kwarto para siguraduhing nandito talaga ako sa kwarto ko,
"Panaginip nga lang ang lahat." bulong ko sa sarili sabay hikab.
Ngayong mulat na mulat na ang mga mata ko ay klaro pa din sa alaala ko ang lahat ng nangyari sa panaginip ko. Ramdam ng katawan ko ang pagod ng ilang oras kong paglalakad sa lagusan sa panaginip ko.
Pakiramdam ko ay lantang-lanta ako ngayon lalo na ang katawan ko, na para bang may humigop sa enerhiya ng buong katawan ko. Muli akong napahikab at naupo sa kama ko.
Base sa konting sinag ng araw na pumapasok sa bintana ng kwarto ko ay umaga na at maya-maya ay kailangan ko ng kumilos para pumasok dahil simula ng first class ko nga
