NANLAKI ang mata ni Eli sa sinabing iyon ni Aiden. Hindi makapaniwala niya itong tiningnan ngunit wala sa kanya ang paningin ng binata kung hindi sa boss nito.
Parehas na hindi nakapagsalita ang dalawang lalaki at bakas sa mukha ng mga ito ang gulat habang nakatingin sa binatang kaharap nila. Halos hindi pa nga huminga ang dalawa habang hindi inaalis ang tingin sa kaharap na tila ba ini-eksamina ang mukha nito.
Dala ng pagkataranta ay kaagad na hinawakan ni Eli si Aiden sa braso dahilan para madako ang tingin nito sa kanya.
“What?” singhal pa ng binata kay Eli habang nakakunot ang noo, “Is he your boss?”
“Oo! Kaya halika na at baka masisante pa ako sa ginagawa mo!” mabilis na hinila palayo ni Eli ang binata ngunit tila ba hindi man lang ito nakakaalis sa pwesto.
“Please take care
