"Teka hindi naman ito yung daan pauwi sa amin ah," nagtatakang tanong ni Ren, matapos ang mahabang pagdadrive ni Jett.
Wala naman kasi syang balak iuwi ang dalawa, sa ngayon...
"Don't worry, pupunta lang muna tayo sa bahay ko, may kukunin lang ako bago ko kayo ihatid." sagot nya na sinisilip ang pagtutol sa mukha ng dalawa sa rear view mirror.
"Mag -aalala si honey," dagdag ni Ren,
Bumuntung hininga si Jett, kay hirap naman talaga kumbinsihin.
"Okay, tinawagan ko na sya kanina," pagsisinungaling nya, wala namang masama, iuuwi nya naman yung mga bata after. Hindi naman nya itatakas ang mga ito, ang takot nya lang.
"Hindi ko naman nakita na kausap mo sya sa phone eh, tinitignan kaya kita," akusa ni Ren, napangiwi sya pero hindi magpapatalo, imbes na sagutin yung tanong nito, nagbato sy
