ENGRANDE ang naging kasalan nina Brett at ang napangasawa niyang si Danica. Sabi ni Ma'am Eisha ay isa ang simbahan na ito sa mga pinakamalaki at kilalang mga simbahan dito sa Pilipinas. Pribado ang naging kasalan at tanging ang mga pamilya, malapit na mga kamag-anak at mga kaibigan lang ang naro'n.
Unang beses kong makapunta sa kasalan kaya naman hindi ko maipaliwanag ang nararamdaman ko pagkatapos panoorin ang paghalik ni Brett sa kanyang napangasawa. Kita sa mga mata nila na mahal na mahal nila ang isa't isa. Ramdam ko na itong araw na 'to ang pinakamasayang araw para sa kanilang dalawa.
"You know what? Dami ring struggles ng couple na 'yan. Danica's parents didn't like Brett at first. Pakiramdam nila ay masamang impluwensya lang ito sa unica hija nila kaya ang dami nilang paandar p
