"Mommy, nasaan po si Ivan? Nasaan po ang mga bata?" nagtatakang tanong ni Shaira sa ina niya dahil wala ang apat na lalaki sa buhay niya paggising niya.
Maaga kasi siyang natulog kagabi dahil sinabi ni Ivan sa kaniya na magpahinga raw siya ng maaga dahil ito naman daw ang bahalang mag-aalaga sa mga anak nila.
Kahit hindi iyakin ang mga anak nila ay nakakaramdam pa rin siya ng pagod dahil nga tatlo ang inaalagaan niya.
At dahil pagod siya sa maghapong pag-aalaga kaya tuloy-tuloy ang tulog niya kagabi at umaga na nga siya nagising.
Nagtataka siya dahil nagising siya na mag-isa lang sa kuwarto nila. Tiningnan niya rin ang kuwarto ng mga anak nila na katabi lang ng kuwarto nila ni Ivan pero wala roon ang mga munti nilang anghel.
Nilibot na rin niya ang buong kabahayan pero kahit anino
