Awtomatikong kumunot ang noo ni Shaira nang makita niyang naroon ang pamilya niya at pamilya ni Ivan kaya naman nilingon niya ang lalaki na nasa likuran niya.
Nang nakaraang linggo pa sila nito nakauwi galing sa Nueva Ecija.
Dito na lang daw siya manganganak sa Quezon City at pagkatapos ay babalik na lang ulit sila roon.
"Daddy, Mommy, bakit po kayo nandito? May problema po ba?" tanong niya sa mga magulang niya habang kausap ito ng ama ni Tito Iron na ama ni Ivan.
"Tinawagan kasi kami ng asawa mo dahil ang sabi niya ay malapit ka na raw manganak," sagot ng mommy niya habang nakangiti. Tumayo ito para lapitan siya at pagkatapos ay hinaplos nito ang napakalaki niyang tiyan. "Lalabas na ba ang mga guwapo kong apo, Anak?"
"Hindi pa po, Mommy." Kabuwanan niya ngayon pero hindi pa naman
