"Ang sakit ng tiyan ko." Nawala bigla ang antok ni Ivan nang marinig niya si Shaira na bumubulong-bulong habang nakayuko at pabalik-balik na naglalakad sa harapan niya.
Nasa loob sila ng kuwarto ngayon habang ang kani-kanilang kamag-anak ay nasa sala at nagkukwentuhan. Nagpaplano ang mga ito kung ano ang mga gagawin paglabas na paglabas ng mga magiging apo nito sa kaniya.
"M-masakit na? Manganganak ka na ba?" kinakabahan niyang tanong dito dahilan para mapatingin ito sa kaniya.
"Siguro, ewan, baka," sagot nito na tila hindi pa sigurado sa nararamdaman nito. Ang sabi ng ob-gyne nito kapag nakaramdam daw ito ng sakit ay posibleng manganganak na ito.
Mabilis niya itong dinaluhan sabay tawag sa mga magulang nito gano'n sa daddy niya.
"Ma, Pa, Dad! Help!"
"Bakit ka ba sumisigaw? Sumaki
