DINALA SILA NG kaniyang daddy sa lumang kwarto kung saan bawal sila pumasok. Dito nakalagay ang Ouija board at dito rin nakalagay ang painting ni Franco. Gulat nag mukhang tiningnan ni Charlotte ang daddy niya. Ang mommy naman niya ay nakahawak sa kaniyang braso. Tahimik ito na umiiyak.
Hindi siya matingnan ng ama sa mga mata. Ramdam niya na nginginig ito sa bawat kilos na ginagawa. Gumawi ito sa pinakasulok na bahagi ng kwartong iyon. Maraming mga abubot ang nandoon. Halatang nilagay ang mga iyon upang walang maghinala na may nakatago palang bangkay doon.
Hindi pa man naaalis lahat ng gamit ay may narinig na silang sigaw mula sa kung saan. Bumangon ang pag-aalala niya para sa mga kasamahang naiwan sa taas. Humarap siya sa ina niya pati kay Manang Isa.
"Mommy, Manang, kapag naalis na ni
