Kasisikat pa lang ng araw nang umalis si Alicia mula sa hotel na tinutuluyan. Madami kasi siyang nakatakdang mga gawain bago umalis papuntang Malaysia para sa pagpapatuloy ng kanyang world tour na magsisimula na sa loob ng tatlong araw. Pero tila walang gana ang sikat na dalaga. Mahahalata ito sa kanyang mga kilos at mga mata. Pakiramdam niya ay hindi pa siya handa na magtrabahong muli lalo na at napakarami pang gumugulo sa isipan niya ngayon. Isa na d’on si Al at ang pag-ibig niyang abot kamay na niya sana, subalit hindi niya nagawang ipaglaban.
Matapos dumaan sa isang café para mag-agahan ay kinausap ni Alicia ang driver niya na mauna na at siya na ang bahala na magmaneho papunta sa mga pupuntahan niya. Alam niyang ang driver niya ang palaging nagsusumbong sa kanyang madrasta kung nasaa
