“Boss, gising na po si Rodolfo.. At hinahanap ka,” pabulong na saad ng right hand niyang si Balong. Ang pinagkakatiwalaan niya sa tuwing lalabas siya.
Nakaramdam siya ng kaunting kaba na hindi niya mawari. Napalingon siya sa mag-ina niyang masayang nag-uusap.
“Sige, ihanda mo ang kotse at babalik tayo ng mansion,” utos niya rito.
Hindi niya napigilan ang matakot na baka dumating ang araw nang hindi niya inaasahan. Nagsisimula pa lamang siyang bigyan ng panahon ang mag-ina niya. Kaya lang mukhang matatapos kaagad. Kailangan niyang mas maging maingat dahil anumang oras ay malalaman ito ng kaniyang ama.
Pinalabas niya lang noon na matagal nang nasawi si Suzette upang pagtakpan ito. Ayaw niyang tuluyan noon ang ina ng kaniyang anak kahit na matindi ang galit at sama ng loob niya rito. May
