Kinabukasan ay kaagad na naglipat ng mga gamit sina Suzy at Suzette. Napapayag niya ang mga ito na tumira sa mansion.
“Wow! This is a wonderful place, dad. Lahat yata ng kailangan at gusto ko nandirito na,” nagagalak na saad ng kaniyang anak.
“Hmm, oo naman, anak.” sang-ayon naman niya. “Sabi ko sa ‘yo, hindi ba? Wala nang rason pa para pag-isipan ng matagal ang bagay na ito,” baling naman niya kay Suzette.
Napatingin ito sa kaniya, at pagkatapos ay sinipat si Suzy.
“Look, mom, mas malaki pa ito at mas maganda kesa sa bahay natin,” kumikislap ang mga matang wika ng kaniyang anak habang nililibot ng tingin ang buong looban.
“Oh, sige na, Suzy, anak, umakyat ka na roon at mamili ng iyong magiging kwarto,” aniya na ikinabilog ng mga mata nito. “Manang, sundan mo si Suzy, assist her,” uto
