Nakakwentuhan ni Carlos ang kaniyang tiyuhin. Sinabi nito na matagal nang walang naninirahang Lorenzo sa mansion. Matapos ring mawala si Mauricio Lorenzo na nilakhan niyang ama, nawala na ring parang bula ang naka-live in nito na ina ni Suzette.
Simula rin nang mawala na ang Lola Virginia niya ay minsan na lamang ring umuuwi roon ang half brother niyang si Bernard dahil may pamilya na ito sa U.S. Isang beses na lamang sa tatlong taon ito kung bumalik ng bansa. Napangiti siya nang mapag-alamang maayos na ang buhay at kalagayan ng kapatid.
Iniisip niyang kung papalarin siyang muling ibalik at umusbong ang napabayaan at nasirang negosyo. Ipagpapatuloy niya ang naudlot niyang pangarap sa pamilya Lorenzo. Ngayong may rason na para mamuhay ng simple at payapa, muli siyang gagawa ng kabutihan.
