Padabog niyang isinara ang pinto ng kaniyang kotse. Iniwan niya ang kaniyang trabaho para lamang komprontahin ang kaniyang ama.
"Oh hijo, bakit parang galit na galit ka?" Salubong ng kaniyang lola.
"Nasaan ang magaling n'yong anak?!"
"Aba'y umayos ka ng pananalita! Gumalang ka naman."
Hinarap niya ito.
"Hindi ko alam kung deserve niya 'yon."
Iniwan niya ito at tinungo ang silid ng kaniyang ama.
"Carlos?"
Salubong ang kaniyang kilay habang titig na titig sa ama.
"Totoo ba ang mga sinabi ni Suzette?"
Namilog ang mga mata nito.
"Aminin mo sa'kin, ginahasa mo siya?!"
Napatingin ito sa likod niya. Alam niyang naroon ang kaniyang lola at nakikinig.
"Ano ba iyang problema ninyong mag-ama? Hindi ba kayo maaaring makapag-usap ng mahinahon?"
"Ito kasing anak ninyo, may kalokohan na gin
