Napakunot ang noo ni Carlos nang tumingin sa ama.
"Dad, ba't kayo naririto? Ms. Barbie Manoza, ano ito?"
Napatingin sa kaniya si Barbie bago sumagot kay Carlos. Tama, hindi nga pala alam ni Carlos na magkaibigan sila ni Barbie.
"Sir Carlos-."
"Ikaw ang pinunta ko rito. Alam kong dito kita matatagpuan sa bahay ng babaeng ito. Ano ba ang gusto mong mangyari Carlos? Talaga bang kaya mong talikuran ang lahat para lang sa babaeng iyan?" Galit na wika ni Mauricio.
Halos kumulo ang dugo niya sa narinig. Talaga bang ganito ang ugali ng matandang ito? Hindi siya nakaimik nang tumingin si Carlos sa kaniya.
"Hindi pa ba maliwanag sa inyo ang sinabi ko? Kahit ulitin ko pa, hindi na magbabago yun." Giit nito.
Ayaw ni Mauricio sa kaniya para kay Carlos. Oo nga pala at magkapatid sila sa ama kung
