Lauren’s POV
Sabado ngayon at walang ibang tao sa opisina kung hindi ako. May tinatapos pa ako bago opisyal na magbukas ang Express Love Furniture. Ayaw ko na may iisipin pa dahil dapat ay ma-enjoy ko ang kasal nina Kuya Angelo. Minsan lang iyon! Dapat ay wala munang stress na iisipin!
Hindi ko na pinapasok sina Barbie dahil puwede naman itong gawin sa Lunes pero wala akong ginagawa sa bahay kay minabuti kong ipagpatuloy ang trabaho kaysa naman kung ano-ano pang maisip ko. Kanina pa ako kinukulit ni Ezekiel na makipagkita sa kanya pero hindi ko pinapansin ang tawag at mensahe niya.
Napa-buntonghininga ako noong narinig kong may kumatok mula sa labas. Ako lang ang tao rito kaya nakakandado lahat ng pinto. Si Ezekiel lang naman ang nangunglit sa akin at nakaaalam na nandito ako kaya nais
