Real Fourth Move
Pupungas-pungas na nagising si Yvette sa pagkakahimbing. Nakatulog na pala siya sa sobrang pagod sa pag-eedit niya. Napapangiti na lang siya sa sarili na parang baliw. Pero saglit lamang ang ngiting namutawi sa kanyang labi. Paano'y ang akala niyang totoo ay hindi pala. Muli siyang napalingon sa wall kung saan nakasabit ang tula na natanggap niya sa email kahapon.
"Anong oras na ba?" Kusot-kusot ang matang lumingon sa orasan na nasa tabi ng computer niya.
"Pasado alas-sais na pala ng umaga." sambit niya. Hindi niya alam paano siya nakatagal sa pagtulog nang nakaupo sa opisina niya. Ang pagkakaalam niya matapos niyang inumin ang milktea na pinadala sa kanya ay nakaramdam siya ng antok. Hindi niya akalaing tuloy-tuloy na ang pagtulog niya. Agad siyang tumayo at nagtungo s
