"Bilisan mo, baka ma-traffic tayo."
Agad kong ipinasok 'ang mga pagkain sa loob ng bag. Binitbit ko na ito at nagmadaling lumabas. Alam ko naman kasing ayaw na ayaw ni Van ang pinaghihintay.
Ngayon ang alis namin. Sobrang saya ko dahil tinupad niya 'yong sinabi niya. Akala ko kasi aasa na naman ako. Buti na lang at totoo na. Hindi ko alam kung saan kami pupunta kaya naman excited ako.
Natanaw ko si Van na nakasandal sa kotse. Pumasok na ito nang makita akong papalapit. Sumunod na rin ako sa kanya.
Tahimik lang siyang nagmamaneho habang ako'y hindi mapakali sa kinauupuan ko. Ewan ko ba, sobrang excited talaga ako dahil ngayon na lang ulit kami umalis. Masaya akong magkasama kami.
"Huwag ka nga ngumiti. Para kang baliw," napatingin ako sa kanya nang sabihin niya 'yon.
"Masaya lang ako
