"Anak, ito na pala 'yong annulment papers. Pirmahan mo na?" napatingin ako sa inaabot ni Mommy sa akin.
Kinuha ko ito at tinignan. Hinawakan ko ang ballpen at saka pumirma rito.
"Akin na. Ako na ang mag aasikaso niyan," sabi ni Daddy. Umiling naman ako.
"Hindi na, Dad. Ako na ang bahala rito. Aasikasuhin ko 'to bukas," sabi ko sa kanya.
"Ako na lang. Mas mabuti pang sumama ka na sa Mommy mo papunta sa Cebu. Roon na lang muna kayo," aniya.
"Wala ka bang tiwala sa akin, Dad? Ako na po ang bahala. Aayusin ko 'to bukas tapos sasama na ako kay Mommy papunta sa Cebu next week.”
"Siguraduhin mo lang, Chastine. Dahil kung hindi, alam mo na ang mangyayari," sabi niya at iniwan na kami ni Mommy.
Napailing na lang ako. Simula nang malaman ni Daddy ang lahat, naging mahigpit na siya sa akin. Mi
