“Gio…” Muli kong kinuha ang kanyang atensyon sa pamamagitan ng pagtawag sa kanya dahil para bang hindi niya narinig ang unang katanungan ko. “Nahanap niyo na ba si Inay?”
Muli ay hindi kaagad sumagot si Gio sa akin. Huminga siya nang malalim bago yumuko at mariing hinawakan ang kanyang cellphone.
“Yes,” para bang napipilitan niyang sagot sa akin. Para bang napipilitan lang siyang sabihin sa akin na nahanap na pala niya ang nanay ko.
Umawang ang aking labi. Gustong tanggalin ang iba’t ibang maaaring rason bakit hindi niya iyon sinasabi sa akin. Iniisip ko na lang na baka nito lang niya nalaman at dahil nga sa ginagawa kong pag-iwas sa kanya ay hindi niya kaagad nasabi sa akin.
“K-Kailan pa?” Pinilit kong huwag manginig ang aking boses. Tinangka kong ngumiti sa kanya kahit na parang ang
