Napabalikwas ako ng bangon ng naramdaman kong hindi ako makahinga. Sapo ko ang aking dibdib at lumingon sa paligid.
Shit! Nanaginip ako.. akala ko ginagapang na naman ako ni Romel. Pinakalma ko ang sarili ko bago lumabas, para hindi mag aalala si mama.
Nakita kong mag aalas dose na pala ng tanghali. Kahit papaano pala ay nakatulog ako. Paglabas ko ay nagulat ako ng nakita ko si Riyel na nakatayo malapit sa pinto.
"Riyel.. anong ginagawa mo dito?"
Nakita ko din ang pinto na iba na. Gawa sa mahogany ang nakakabit. Hindi bagay sa plywood naming dingding.
Kinuha nito ang kanyang t shirt at pinunasan ang kanyang pawisan na katawan.
Napalunok ako sa nakita ko at agad akong bumaling sa ibang direksyon. Naalala ko ang hubad na katawan ni Sera at agad na pumait ang nararamdaman ko.
"Kamus
