Sinigurado kong nakaalis na sila bago ako sumunod kay mama. Nagpaalam sa akin si Riyel na ihahatid niya ang mga ito hanggang sa baba. Tumango ako at agad akong tumungo sa kwarto ni mama. Nadatnan kong nakahiga na siya at nakabalot ng kumot.
"Ma, hindi ka pa nagaalmusal. Kumain muna tayo bago ka matulog."
Malungkot siyang ngumiti. "Gusto ko lang na magpahinga, anak. Mamaya na lang ako kakain paggising ko."
Napa buntong hininga ako at tumango. Ngumiti ako ng marahan sa kanya at pinanood ko siyang makatulog.
Kumatok si Riyel bago niya buksan ang pinto. Nakita niyang tulog na si mama kaya nilapitan niya ako at itinayo.
"Thalia, come here.. gamutin natin ang sugat mo," bulong niya.
Sinilip ko muna ng isang beses si mama bago ako sumama sa kanya. Umupo kami sa sofa.
Naging tahimik kami
