Hindi kinaya ng sistema ko ang sakit na aking nararamdaman dahil doon sa kanta. Hindi ko tinapos ang programa sapagkat ayaw ko lang saktan ang aking sarili. Mahal ko pa siya. Oo, mahal ko pa siya at hindi iyon nakalimutan ng aking puso. Akala ko ay nakapag move on na ako. Akala ko ay nakalimutan ko na ang aking nararamdaman para sa kanya dati pero nagkamali ako. Nang dahil sa kantang iyon, bumalik at ipinaalala ng puso ko kung gaano katindi ang feelings ko para sa kanya. Bumigat ang puso ko dahil sa realisasyon ko kung kaya't nagpaalam na ako kay Maam Dominador at nagdahilang sumama ang aking pakiramdam. Hindi ko naman kailangang magpaalam sa iba pang mga kasama ko dahil hindi ko sila makita. Nilisan ko ang gymnasium at sumakay sa aking sasakyan. Pagkarating ko roon ay naupo ako sa driver'
