Naburo na ang aking mga mata sa kanya habang hindi pa rin makapaniwala sa aking narinig. Gusto ko siyang yakapin, aluin, palisin ang mga luhang naglalandas pababa ng kanyang mukha ngunit pinigilan ko ang aking sarili na gawin iyon. Kilala ko siya, baka bigyan niya ng kulay ang mga bagay na aking gagawin na lalo pang magpalala ng aming sitwasyon na dalawa. At hindi rin naman pwedeng gawin ko ang bagay na iyon lalo pa at alam ko sa aking sarili na may bukod na rin akong itinatangi. Tamang tingin lang ako sa kanya, at doon ko napagtantong sa lumipas na mga taon walang nagbago sa kanya. At kung tunay man ang sinasabi ng kanyang labi ngayon, masasabi kong pati ang kanyang puso ay hindi nagbago. Ngunit wala na, iba na ang minamahal ko. Hindi na siya ang itinitibok nito, ibang pangalan na ang nak
