Nagmamadali ko ng binuhat ang aking dalang bag, sabay sulyap kay Vins na panay ang tingin sa kanyang pangbisig na orasan. Alam kong nagmamadali siya kung kaya naman ay wala na akong inaksayang oras doon na kulang na lang ay magmadaling tapusin kung anuman ang aking ginagawa ngayon. Kakatapos pa lang naming kumain ng tanghalian, ngunit nakapaghanda na kaming pareho sa aming magkaibang lakad. Napag-usapan na rin namin iyon kung kaya naman ay wala ng iba pang hadlang dito.
“Sorry, ang bagal-bagal kong kumilos. Late ka na yata sa iyong lakad.” lingon ko sa kanya na humingi na ng aking paumanhin, alam kong nagmamadali siya kapag ganung panay ang sulyap niya sa kanyang pangbisig na orasan. “Tara na, halika na!”
Natatawang sumenyas siya sa akin at itinuro ang aking buhok na may nakapulupot pan
